टुक टुक मीटर - India’s first GPS based Auto Meter.

लोकल ट्रेन आपल्याला स्टेशन्स पर्यंत सोडतात, बस आपल्याला बस थांब्यांपर्यंत सोडतात. पण आपल्याला हव्या त्या ठीकाणी हव्या त्या वेळेला पोहोचवणारे एकमेव वाहन म्हणजे ऑटो रिक्षा. पुर्ण भारतभर ऑटो रीक्षा हे प्रवासाचं एक मुख्य माध्यम आहे. पण या सोयीस्कर वाहनाबरोबर रीक्षाचालक नावाचा एक प्राणी देखिल असतो. प्रवासासाठी जेवढा विश्वास आपण रीक्षावर टाकतो तेवढाच विश्वास रीक्षाचालकावर आणि त्याच्या मीटरवर टाकता येत नाही. रीक्षाचा मीटर बरोबर आहे की नाही? हा रीक्षावाला अधिक पैसे घेऊन आपल्याला फसवत तर नाही ना? हे प्रश्न आपल्याला प्रवासात सतावत असतात. आपल्या याच अडचणीवर एक उपाय केरळ मधीले MindHelix Technologies या एका कंपनीने शोधला आहे. या उपायाचे नाव आहे टुक्-टुक मीटर (Tuk Tuk Meter). टुक टुक मीटर आहे एक मोबाईल ऑटो रीक्षा मीटर.

GPS (Global Positioning System ङ्लोबल पोझीशनींग सीस्टम) तंत्रज्ञानाच्या सहाय्याने रीक्षाचे अचुक भाडे मोजण्याचे काम टुक्-टुक मीटर करते. हे एक मोबाईल अप्लिकेशन आहे. अँड्रॉईड (Android), ब्लॅकबेरी (Blackberry) आणि सींबीयन (Symbian) यापैकी कोणतीही ऑपरेटींग सीस्टम असलेल्या स्मार्टफोन्स मध्ये हे अप्लिकेशन काम करते.

कंपनीच्या वेबसाईटवर दिलेल्या माहिती नुसार खालील ऑपरेटींग सीस्टम्सवर टुक्-टुक मीटर हे अप्लिकेशन वापरता येते.


Android2.1 (Eclair), Android 2.2 ( Froyo ) or above
BlackBerry (OS v4.5,v4.6,v4.7, v5.0)
Symbian S60v3 or S60v5 phones with GPS
Other smart phones which have support for GPS and Java

टुक्-टुक मीटर साठी ईंटरनेट जोडणीची आवश्यकता नसते. (हो तुम्ही बरोबर वाचलत ! तुमच्या फोनला ईंटरनेट जोडणी नसेल तरीही टुक्-टुक मीटर  चा वापर करता येतो.)  हे अप्लिकेशन वापरण्यास अतीशय सोपे आहे.यामध्ये केवळ Start (सुरु) आणि Stop (बंद) अशी दोन बटणे असतात. अप्लिकेशन वापरण्या आधी सेटींग्जमध्ये आपल्या शहरासाठीचा प्रतीमीटर रीक्षादर एकदा सेव्ह (Save) केला की हे अप्लिकेशन वापरण्यास तयार होते. यामुळेच भारतातील कोणत्याही शहरामध्ये याचा वापर करता येतो.

रिक्षा सुरु झाल्यावर टुक्-टुक मीटरचे Start बटण दाबायचे आणि रिक्षा थांबल्यावर Stop बटण दाबायचे. बस ! एवढंच करायचं आहे. टुक्-टुक मीटर लगेचच तुम्ही कापलेले अंतर आणि रिक्षाभाडे मोबाईलवर दाखवेल. अगदी दूरच्या गावांमध्येही हे अप्लिकेशन उत्तम काम करते असा कंपनीचा दावा आहे.

मित्रहो, नुसतेच स्मार्ट फोन बाळगण्यात अर्थ नाही. त्याचा वापरही तितक्याच स्मार्टपणे करा. टुक्-टुक मीटर हे अप्लिकेशन आपल्या मोबाईलसाठी आजच डाउनलोड करा. यासाठी http://tuktuk.mindhelix.com/ या संकेतस्थळाला भेट द्या.












Get NETBHET straight in your inbox / आता नेटभेट मिळवा थेट इमेल द्वारे
Enter your email address / खालील रकान्यात तुमचा इमेल पत्ता द्या.

टुक टुक मीटर - India’s first GPS based Auto Meter. टुक टुक मीटर - India’s first GPS based Auto Meter. Reviewed by Salil Chaudhary on 09:45 Rating: 5

No comments:




http://learn.netbhet.com





Powered by Blogger.