IFTTT - तुमचा ईंटरनेट असिस्टंट




मित्रहो आज मी तुम्हाला एका अतिशय उपयुक्त वेबसाईट बद्दल सांगणार आहे. या वेबसाईट्चे नाव आहे IFTTT. होय हेच नाव आहे. खरे तर हा नावाचा शॉर्टफॉर्म आहे. आणि या साईटचे पुर्ण नाव आहे IF This Then That. एका वाक्यात सांगायचे तर IFTTT  ही साईट म्हणजे तुमचा ईंटरनेट असिस्टंट आहे. चला तर मग पाहुया हा ईंटरनेट असिस्टंट नक्की कसा काम करतो ते.

IF This Then That चा मराठी अर्थ म्हणजे "जर असे घडले तर तसे करा."






IFTTT वापरुन आपण ईंटरनेट वापरताना अनेक वेळा स्वतःहुन (Manually) करत असलेल्या गोष्टी आपण आपोआप (Automatically) करु शकतो.

उदाहरणार्थ -
  1. एखाद्या ब्लॉगमध्ये विशिष्ट विषय (किंवा शब्द) असलेला लेख प्रकाशित झाला तर ते IFTTT आपल्याला ईमेल द्वारे कळवू शकते.
  2. जर फेसबुकवरील profile picture बदलले तर आपोआप ट्वीटर अकाउंट वरील profile picture मध्ये बदल
  3. फेसबुकवर अपलोड केलेली सर्व चित्र आपोआप Dropbox, Google drive किंवा Skydrive मध्ये save करता येतात.
  4. फेसबुक स्टेट्स अपडेट आपोआप ट्वीटर वर पोस्ट करता येते.
  5. विशिष्ट विषय (किंवा शब्द) असलेल्या ईमेल मधील attachment आपोआप Dropbox, Google drive, Skydrive किंवा Evernote अकाउंट मध्ये save करु शकता
  6. ठरवुन दिलेल्या वेळेवर किंवा ठराविक कालांतराने ट्वीट किंवा फेसबुक अपडेट्स पोस्ट करता येतात.
  7. Youtube वरील व्हीडीओ नंतर पाहण्यासाठी save करता येतात.
  8. Gmail मध्ये नविन ईमेल आल्यावर स्वतःला SMS करता येतो.
  9. पाऊस पडण्याची शक्यता असल्यास तसे आदल्या दिवशी ईमेल/SMS ने कळवता येईल.
  10. तुम्ही wordpress/blogger/tumblr वरील ब्लॉगमध्ये पोस्ट केल्यावर त्याची माहिती facebook/Twitter/Linkedin या सोशल साईट्सवर आपोआप पोस्ट करता येते.
ही फक्त काही उदाहरणे आहेत. IFTTT ने अनेक सेवांना आपल्यामध्ये सामावुन घेतले आहे. वर दाखविलेल्या उदाहरणांना IFTTT मध्ये  recipie (रेसीपी) असे म्हणतात. अशा प्रकारच्या २५०० हून अधिक रेसीपी म्हणजेच IFTTT चे उपयोग त्यांच्या वेबसाईटवर दिलेले आहेत.

IFTTT ची मला आवडणारी आणखी एक गोष्ट म्हणजे ही साईट वापरण्यास खुपच सोपी आहे. आणि मुख्य म्हणजे IFTTT वापरण्यास मजा येते. एक वेगळाच अनुभव आहे हा तो जरुर अनुभवा. आणि IFTTT च्या सहाय्याने super productive व्हा :-)

काही मदत हवी असली तर खाली कमेंट्स मध्ये लिहा. नेटभेट आहेच की तुमच्या मदतीला.

Visit - https://ifttt.com/

Get NETBHET straight in your inbox / आता नेटभेट मिळवा थेट इमेल द्वारे
Enter your email address / खालील रकान्यात तुमचा इमेल पत्ता द्या.

IFTTT - तुमचा ईंटरनेट असिस्टंट IFTTT - तुमचा ईंटरनेट असिस्टंट Reviewed by Salil Chaudhary on 08:40 Rating: 5

No comments:

Powered by Blogger.